Deustuko Unibertsitateak Deusto Campus Mundus 2015 proiektuarekin lortu du aipamen hori. Plan horrek hobekuntzak eta bikaintasun maila hobeak lortzeko bideak jartzen ditu sei arlo kontuan hartuta : irakas-ikaskuntza, ikerketa, jakintzaren transferentzia, nazioartekotzea, campusaren eraldaketa eta inguru lokalarekiko eta globalarekiko harremanak.

Planaren barruan etorkizunerako bi asmo nabarmentzen dira: Deusto Tuning Academy, gaitasunetan eta balioetan oinarritutako irakas-ikasteko Deustuko ereduaren aplikaziorako nazioarteko bikaintasuneko zentro handi bat, eta Deusto Research Center in Social Sciences, gizarte zientzien arloko ikerketa sustatzeko zentroa. Aitorpen honek sendotu egiten du Deustu bikaintasunaren aldeko apustuan, eta Deustuko Unibertsitatearen 2010-2015 urteetarako ildo estrategikoen oinarriak ezartzen ditu.

Deustuko Unibertsitateko Errektorearen esanetan, izendapen hau pozgarria ez ezik erronka eta konpromisoa ere bada, Deustuko Unibertsitatea, bereziki, eta euskal unibertsitate sistema, oro har, bikaintasuneko unibertsitate mapan kokatzekoa. Jaime Oraák azaldu duenez, aitorpena jaso duen proiektu integrala ?Deusto Campus Mundus 2015?:?garenaren eta izan nahi dugunaren isla da, lortu dugunarena eta gure ahaleginen arrazoiarena.Bikaintasuna helmuga ez ezik bidea ere bada?.

Aitorpen honek are gehiago sendotzen gaitu bikaintasunarekin dugun konpromisoan, hau da, hobeto prestatutako pertsonak, ikerketa gehiago eta hobea, enpresa eta erakunde berritzaileagoak lortzeko ahaleginean, bikaintasunarekiko konpromisoak, azken batean, herri hobea lortzen ahalegintzea esan nahi baitu?.Hori dela eta, Deustuko Errektoreak erantsi du Campus Mundus 2015 proiektua aukera eta erronka handia dela denontzat, eta unibertsitatearen, enpresaren, gizarte ekimenaren eta erakundeen arteko lankidetza indartzea dela, ezbairik gabe, bikaintasunerako biderik onena.

Deusturekin batera, Nafarroako Unibertsitateak eta Ramón Llul Unibertsitateak aurkeztutako proiektuek ere lortu dute kalifikazio bera, baita Estatuko sei unibertsitate publikok aurkeztutako proiektuek ere.Deustu da Euskal Autonomia Erkidegoko hiru unibertsitateetan bikaintasun azterketa hau gainditu duen bakarra. Honekin 2015erako Europako 100 unibertsitaterik onenen eta munduko 500 onenen artean kokatzea espero du.